Paaftësi menaxhuese e ka quajtur Lëvizja Vetëvendosje mosshpenzimin e rreth 2 milionë eurove nga Komuna e Fushë-Kosovës gjatë vitit 2016 e 2017.

Nga këto të hyra vetjake të Komunës rreth gjysmë milioni euro janë bartur qe dy vjet radhazi: njëherë nga 2016 në 2017 dhe tashti bashkë me rreth 1.5 milionë të tjera në 2018. Shefi i Grupit të këshilltarëve të LVV-në në Fushë-Kosovë, Mehdi Lahu, ka thënë se mosshpenzimi i këtyre mjeteve e ka dëmtuar ekonominë e Komunës, shkruan sot Koha Ditore.

“Mosshpenzimi i 1.914.000 eurove e ka dëmtuar ekonominë e komunës sonë, dhe po ashtu edhe e ka vështirësuar jetesën e qytetarëve për ato projekte që nuk janë realizuar. Kur i ke mjetet e ndara e nuk mundesh t’i investosh nuk ke si ta quash ndryshe përveç mosaftësi menaxhimi”, ka thënë Mehdi Lahu.