Vetura me shpejtësi të madhe godet zyrtarin policor në Malishevë, lëndohen edhe pesë persona të tjerë

Një zyrtar policor ka mbetur i lënduar rëndë pasi është goditur me veturë në rrugën “Ibrahim Mazreku” në Malishevë.

Zyrtari policor i cili ishte duke rregulluar trafikun është goditur nga një veturë, e cila ishte me shpejtësi të madhe.

E njëjta sipas Policisë, kishte goditur edhe katër vetura të tjera dhe ka lënë të lënduar edhe pesë persona të tjerë.

Drejtuesi i veturës është arrestuar nga Policia e Kosovës dhe është dërguar në mbajtje.

Aksidenti ka ndodhur të dielën, më 16.06.2026, rreth orës 20:20