Pas takimit ne pasditen e së hënës dërmjet krerëve të Lidhjes Demokratike të Kosovës dhe Lëvizjes Vetëvendosje në përpjekjen e radhës për arritjen e koalicionit për bashkëqeverisje, në faqen zyrtare të partisë së Albin Kurtit ishte lëshuar një njoftim ku thuhej se palët ishin pajtuar që të takohen të martën, ndërkohë ishte thënë se në takim do të merrnin pjesë edhe ambasadorët e shteteve të QUINT-it.

Një njoftim i tillë kishte ngjallur reagime të shumta të cilat pjesëmarrjen e shteteve të QUINT-it në treyzën e disktuimeve për koalicion e komentonin si ndërhyrje në negociata.

Një gjë e tillë është mohuar edhe nga vet QUINT-i sot , duke thënë se nuk ndërhyjnë dhe nuk përkrahin asnjërën palë në cështjen e arrtitjes së marrëveshjes për bashkëqeverisje.

Ndërkohë ka reaguar edhe Erzen Vraniqi nga Sekretariati për Media nga Vetëvendosje, duke thënë se Kurti e Mustafa ishin pajtuar mbrëmjen e së hënës që në takimin e sotëm të ftonin edhe ambasadorët e QUINT-it dhe Apostolovën.

Vraniqi ka thënë se nuk është menduar që ata të ftohen për të ndërmjetësuar në diskutimet për koalicion për si lehtësues eventual.

“Në fund të takimit të mbrëmshëm ndërmjet LVV dhe LDK, kishte dakordim që sot ose nesër të ftohen në takim edhe ambasadorët e Quintit si dhe Shefja e Misonit të BE-së në Kosovë. Kjo është konfirmuar edhe në komunikimin me tekst që ka pasur kryetari i LVV Kurti me kryetarin e LDK Mustafa mbrëmë në ora 19:30. Kjo është bërë me qëllim të heqjes së çfarëdo dyshimi tek ambasadorët mbi pajtimin e dy palëve për pjesëmarrjen e ambasadorëve në takimin e sotëm. Ata nuk janë menduar asnjëherë si ndërmjetësues por vetëm si ndihmues eventualë për çfarë vetë e kanë shprehur gatishmërinë”, ka shkruar Vraniqi.