Presidenti serb, Aleksandar Vuçiq, me rastin e një mesazhi nga Brukseli se Serbia duhet të prishë marrëveshjen me Unionin Ekonomik Euroaziatik para anëtarësimit tha se vendi i tij  është në rrugën evropiane dhe se po bën atë që është më e mira për të.

Duke komentuar për TV Pink, një deklaratë të Presidentit të Komitetit të Punëve të Jashtme në Parlamentin Evropian, David McAllister, Vuçiq tha se McAllister kishte thënë se Serbia duhet të përfundojë marrëveshjet e saj me Bashkimin Ekonomik Euroaziatik në momentin e hyrjes në BE dhe se duhet të ketë një klauzolë daljeje.