Ministri serb i Mbrojtjes, Aleksandar Vulin, tha sot se nëse Bashkimi Evropian nuk e dëshiron Serbinë “ka kush e dëshiron dhe se ka aleanca të tjera dhe vende të tjera që duan të bashkëpunojnë me të”.

“Ne nuk jemi dënuar në Evropë, por BE-ja është një orientim strategjik i Serbisë, por jo me çmimin për t’u lutur. Nëse nuk duan ata, ka aleanca të tjera dhe vende të tjera që duan të bashkëpunojnë me ne në mënyrë të barabartë. Kjo nuk do të thotë se ne duhet të hyjmë në një aleance, sepse nuk ka asgjë të organizuar si BE-ja, por ne duhet të mbajmë veten, “tha Vulin për TV Pink.