Zemërimi kërkon adresë

(Fitili i shkurtër.)

…

Shqiptarët duhet të vendosin kundër kujt po protestojnë.

Opozitën nuk e kanë të mençur.

Qeverinë e kanë djallëzore.

(Amerikën s’po e përmend se teksti im nuk ka nevojë për të.)

Shqipërinë s’e kanë.

E kanë Edi Ramën.

Të cilit nuk ia shikojnë veprimet, por dehen me fjalët e tij.

Qeveria e tij prej vitesh nuk e ka miratuar rezolutën për njohjen dhe dënimin e gjenocidit serb në Kosovë.

(Në vitin 2025, Kuvendi i Shqipërisë rrëzoi përsëri kërkesën për miratimin e saj.)

…

Edi Rama i do të gjithë, sepse s’e do askënd:

Vuçiqin e quan vëlla.

Thaçin e vajton.

Si vëllain me fatin e të cilit është pajtuar.

(Sepse vajtimi është kënga e fundit.)

Edi Rama.

Është vajtore e mirë.

Di t’i numërojë vuajtjet.

Di t’ua lajë plagët me fjalë.

Por plagët s’ua lidh.

…

Zemërimi kërkon adresë.

Opozita s’është e mençur.

Qeveria është djallëzore.

Shumë.

Prandaj protestuesit janë vetëm.

Kanë dashuri.

Por dashuria është vuajtje.

Dhe vuajtja nuk ndryshon asgjë kur sillet rreth boshtit të vet.

…

Zemërimi kërkon adresë.

Kuvendi duhet të kërkojë përgjigje.

– Në bazë të cilave fakte u provua përgjegjësia e secilit?

– Në bazë të cilave prova?

– Çfarë është mbajtur konfidenciale?

– Pse në verdikt gjyqtari Smith përmendi fjalën “sekret”?

– Kush ia lejon sekretin?

– A ka gjykime sekrete?

– A ka faje sekrete?

– A është cenuar e drejta e mbrojtjes?

…

– Kush e kontrollon Gjykatën Speciale?

Emrat.

– Kush e auditon?

Emrat.

– Kush i heton gjyqtarët nëse shkelin ligjin?

Emrat.

– Kush kërkon përgjegjësi?

Emrat.

..

Kuvendi dhe Qeveria duhet të kërkojnë çdo mekanizëm të ligjshëm për kontrollin, auditimin dhe përgjegjësinë e Dhomave të Specializuara.

Jo vajtim.

Si shtrigat.

– Përgjigje.

Jo dashuri.

Si qyqet.

– Mençuri.

…

EPILOG

Për herë të parë në historinë e shkruar shqiptare, protestuesit s’kanë kujt t’i drejtohen.

Dhe kjo është drama.

Zemërimi kërkon adresë.

Kur nuk e gjen – del nga kontrolli.

– Le të dalë.

…

P.S.

Mendoj.

Jam fantastike.

Por e kam gabuar profesionin.

…

AUTOKRITIKË

Dio perdona. Io no.