Zidane ka thënë se Ronaldo është i dëshpëruar që ende nuk e ka gjetur golin në La Liga.

Duket se dënimi me pesë ndeshje dhe mungesa në katër sfidat e para të La Ligas ka turbulluar Cristiano Ronaldon, që vazhdon të mos e gjejë golin e parë në La Liga për sezonin 2017/18.

Ai ishte titullarë në fitoren e Real Madridit prej 2:0 ndaj Esapnyol në “Santiago Bernabeu”, por nuk arriti të shënojë për “Los Blancos” dhe kjo duket se po e shqetëson edhe Zinedine Zidanen, që e ka pranuar se portugezi është i dëshpëruar.

“Nuk është i lodhur, sepse ka qëndruar jashtë për shumë ndeshje. Ai është i dëshpëruar që ende nuk ka shënuar në La Liga, por ky është futbolli”, deklaroi Zidane.