Shumë njerëz janë detyruar të zhvendosen me barkë nga ishulli grek, Evia, pasi zjarret u përhapen shpejt, duke shkatërruar shtëpi.

Zjarret në ishullin që shtrihet në veri të Athinës detyruan edhe banorë në shumë fshatra që të evakuohen, shkruan BBC.

Flakët po paraqesin rrezik edhe në periferi të kryeqytetit grek.

Ndryshe, Greqia po përballet me valën më të ashpër të vapës në 30 vitet e fundit. Temperatura ka shkuar në mbi 40 gradë në disa vende.