Në Spitalin e Përgjithshëm të Pejës aktualisht janë duke u trajtuar 58 pacientë të prekur me COVID-19.

Në raportin 24 orësh të spitalit bëhet e ditur se  15 nga këta pacientë janë në gjendje më të rëndë, ndërsa 44 po trajtohen me oksigjenoterapi dhe 2 janë në respiratorë, shkruan Reporteri.net.

Po ashtu në 24 orët e fundit janë shëruar edhe 3 pacientë nga COVID-19.

Njoftimi i plotë:

3 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. Aktualisht po trajtohen 58 pacientë me Covid-19. Sa i përket gjendjes së pacientëve, 2 janë në Respirator, 44 pacientë janë në Oksigjeno terapi dhe nga këta 15 pacientë janë në gjendje më të rëndë.
Gjatë 24 orëve të fundit në Spitalin e Përgjithshëm në Pejë, 185 pacientë kanë marrë trajtim emergjent shëndetësorë.
19 pacientë janë shtrirë për trajtim të mëtutjeshëm.
4 lindje kanë qenë gjatë 24 orëve të fundit në Spitalin e Përgjithshëm në Pejë, 2 normale dhe 2 me prerje cezariane. Kanë lindur 4 foshnje, 2 të gjinisë mashkullore fhe 2 të gjinisë femërore.
203 pacientë kanë kryer analiza, që në total kanë bërë 2,277 analiza, ndërsa janë kryer 5 Operacione.
Gjatë 24 orëve të fundit janë kryer 112 shërbime Radiologjike, dhe prej tyre 87 Rëntgena, 14 EHO dhe 11 CT-ja.