59 pacientë me COVID-19 po trajtohen në Spitalin e Pejës.

17 pacientë janë në gjendje më të rëndë shëndetësore, ndërsa 42 janë në oksigjenoterapi dhe një është në respirator, thuhet në njoftimin e spitalit.

Pesë persona të tjerë kanë arritur që të shërohen nga virusi korona.

“5 Pacientë janë shëruar gjatë 24 orëve të fundit nga Covid-19 në Spitalin e Përgjithshëm në Pejë. Aktualisht po trajtohen 59 pacientë me Covid-19. Sa i përket gjendjes së pacientëve, 1 pacient është në Respirator, 42 pacientë janë në Oksigjeno terapi dhe nga këta 17 pacientë janë në gjendje më të rëndë”, thuhet tutje.

Gjatë 24 orëve të fundit në Spitalin e Përgjithshëm në Pejë, 165 pacientë kanë marrë trajtim emergjent shëndetësorë. 18 pacientë janë shtrirë për trajtim të mëtutjeshëm.