Seanca e Kuvendit e paraparë për të hënën është shtyrë për një ditë tjetër, raporton Ekonomia Online.

Kjo është bërë e ditur përmes një komunikate për medie, pa treguar arsyen. 

Në këtë komunikatë thuhet se për mbajtjen e saj do të vendosë Kryesia e Kuvendit, në mbledhjen e radhës

“Me pajtimin e të gjitha grupeve parlamentare, kryetari i Kuvendit, Glauk Konjufca, ka vendosur që seanca e Kuvendit, e paraparë për të hënën, më 12 dhjetor, të shtyhet për një ditë tjetër. Për mbajtjen e saj do të vendosë Kryesia e Kuvendit, në mbledhjen e radhës”, thuhet në komunikatë.