Ministria e Drejtësisë ka reaguar pas ngjarjes së rëndë në Gjilan, ku u vranë tre persona, duke e cilësuar vendimin për lirimin e të dyshuarve Mefail dhe Edonis Shkodra si të “pakuptueshëm dhe të papranueshëm”.

Policia ka shpallur në kërkim tre persona të dyshuar – Mefail Shkodra, Edonis Shkodra dhe Engjull Shkodra – dhe ka kërkuar ndihmën e qytetarëve për lokalizimin e tyre.

Të dyshuarit kërkohen në lidhje me të shtënat me armë zjarri të dielën në Gjilan, ku mbetën të vrarë tre persona dhe u plagosën disa të tjerë.