Ministrja në detyrë e Punëve të Jashtme, Donika Gërvalla, është pyetur nga Ekonomia Online për hapat e mëtejmë pas konstituimit të Kuvendit, konkretisht nëse Lëvizja Vetëvendosje do ta propozojë mandatarin te presidentja Vjosa Osmani.

“Si do të veproni tani, pasi po e konsideroni që Kuvendi është konstituuar? A do ta propozoni mandatarin te Presidentja?”, ishte pyetja drejtuar Gërvallës.

“A e dini ku keni ardhur dhe për çfarë keni ardhur? A jeni e ndërgjegjshme ku keni ardhur dhe për çfarë keni ardhur? Atëherë, ju lutem, përmbahuni rregullave”, i tha Gërvalla gazetares së Ekonomia Online.

Këtë deklaratë ajo e dha pas pjesëmarrjes në meshën solemne me rastin e festës së Shën Nënë Terezës.

Për të njëjtën temë, EO ka tentuar të marrë një mendim edhe nga ambasadori i Gjermanisë, Jorn Rohde, por as ai nuk pranoi të përgjigjej.