Kandidatja për deputete e LDK-së, Hykmete Bajrami, ka reaguar përmes një postimi në Facebook, ku ka akuzuar qeverisjen e Kurtit për rritje të madhe të humbjeve të energjisë në komunat veriore të vendit.

Sipas saj, gjatë viteve 2021–2023 humbjet kanë arritur në 131 milionë euro, duke u rritur deri në 15-fish krahasuar me vitin 2020.

Bajrami theksoi se këto të dhëna bazohen në pasqyrat financiare dhe raportet e auditorit të pavarur për KOSTT-in.

Ajo ka bërë publike shifrat vjetore të humbjeve:

2020: 4 milionë euro

2021: 41 milionë euro

2022: 63 milionë euro

2023: 27 milionë euro

Bajrami akuzoi qeverinë se nën administrimin e saj kanë “lulëzuar kriptovalutat dhe laboratorët e drogës” në veri, duke thënë se milionat e humbura të energjisë janë paguar nga qytetarët e Kosovës.