Shefi i Grupit Parlmetar të AAK-së, Besnik Tahiri ka bërë të ditur se sot do të mbahte seancë e Kuvendit të Kosovës në orën 19:00, raporton Ekonomia Online.

Ai në një konferencë për media tha se do të diskutohet tri tema.

Sipas Tahirit tema më e rëndësishme është miratimi i një rezolute për ish-krerët e UÇK-së të cilët gjenden në Hagë.

“Do të këtë një seancë në orën 19:00, do të jenë tri tema. E para lidhet me ndarjen e komisioneve, që është një procedurë standarde. Tema e dytë është për ndarjet buxhetore, ndërsa tema më e rëndësishme lidhet me një rezolutë të cilën Kuvendi i Kosovës do ta miratojë në orën 19:00, sa i përket çlirimtarëve tonë të cilët gjenden padrejtësisht në Hagë. Aleanca për Ardhmërinë e Kosovës ka një dakordim me tekstin e kësaj rezolute”, tha ai.