Po vazhdojnë shkëmbimet e zjarrit mes ushtrisë së Izraelit dhe Hezbollahut, ndërsa grupi i mbështetur nga Irani pretendoi se kishte kryer nëntë sulme ndaj forcave izraelite, sipas CNN.

Ushtria izraelite tha se dronët shpërthyes të lëshuar nga Hezbollahu kishin rënë brenda territorit izraelit dhe se një ushtar rezervist izraelit ishte plagosur rëndë.

Një seri sulmesh izraelite me dronë raportohet se vrau një burrë dhe vajzën e tij 12-vjeçare pranë Nabatiehut, në jug të Libanit.

Sulmi i parë kishte në shënjestër motoçikletën me të cilën ata po udhëtonin, ndërsa sulmet pasuese vranë babanë dhe e lanë vajzën të plagosur rëndë, sipas ministrisë.