Klubi FC Dinamo Ferizaj ka njoftuar zyrtarisht emërimin e Burim Qerkinit në postin e Drejtorit Sportiv, duke i besuar një rol kyç në organizimin dhe zhvillimin e projektit sportiv.

Qerkini nuk është emër i panjohur për klubin, pasi më parë ka qenë trajner i skuadrës, ndërsa së fundmi e udhëhoqi ekipin edhe në ndeshjet e barazhit. Përvoja e tij, njohja e mirë e ambientit dhe angazhimi i vazhdueshëm kanë bërë që drejtuesit t’ia besojnë këtë detyrë të rëndësishme.

Në njoftimin e klubit shprehet besimi se Qerkini do të japë një kontribut të madh në ndërtimin e skuadrës dhe arritjen e objektivave në sezonet e ardhshme.