Real Madrid ka hequr dorë nga transferimi i Rodrit gjatë afatit kalimtar të kësaj vere, pasi drejtuesit e klubit kanë marrë tashmë një vendim përfundimtar mbi këtë çështje.

Mesfushori spanjoll ka sqaruar se nuk kishte dijeni për deklaratat e Enrique Riquelme, i cili kishte përmendur emrin e tij si një përforcim të mundshëm për madrilenët në rast të një fitoreje në zgjedhjet presidenciale.

Mediat spanjolle raportojnë se presidenti Florentino Perez ka zgjedhur të mos avancojë negociatat për Rodrin, duke e përqendruar vëmendjen te transferimi i Bernardo Silva. Për momentin, nuk ka lëvizje konkrete apo bisedime aktive mes Real Madridit dhe Rodrit.

Ndërkohë, e ardhmja e mesfushorit të Manchester City mbetet e hapur. Lojtari pritet të vendosë në muajt e ardhshëm nëse do të rinovojë kontratën me kampionët anglezë apo do të presë skadimin e saj, për t’u larguar si lojtar i lirë në vitin 2027.

Situata mbetet nën vëzhgim, por aktualisht çdo mundësi për një kalim të Rodrit te Real Madridi duket e mbyllur.