Këngëtarja kanadeze Celine Dion ka mbërritur të premten në Paris, ku do të nisë provat për serinë e saj të shumëpritur të koncerteve.

Dion do të mbajë 16 koncerte në kryeqytetin francez, nga 12 shtatori deri më 17 tetor, ndërsa 10 të tjera janë planifikuar për majin e vitit 2027.

Mbërritja e saj u prit nga një numër i madh fansash jashtë hotelit ku po qëndron këngëtarja.

Përveç performancës në Lojërat Olimpike Paris 2024, Dion nuk kishte kënduar në Francë prej gati një dekade. Herën e fundit ajo kishte mbajtur një seri koncertesh atje në vitin 2017.