Presidentja e Komisionit Evropian, Ursula von der Leyen, ka dënuar sulmin e Huthëve ndaj aeroportit të Riadit, ku humbën jetën 12 persona dhe mbi 300 të tjerë mbetën të plagosur.

Në një postim në X, ajo e cilësoi sulmin më vdekjeprurës të kryer deri tani nga Huthët si “një përshkallëzim të rrezikshëm”.

“Mendimet tona janë me viktimat dhe familjet e tyre. Jemi në solidaritet me Arabinë Saudite dhe popullin e saj”, shkroi Von der Leyen.

Ajo theksoi se këto sulme, të kryera nga grupe të mbështetura nga Irani, po e shtyjnë rajonin drejt një spiraleje dhune, po destabilizojnë nyje kyçe të transportit dhe energjisë në nivel global dhe po sjellin pasoja në mbarë botën.