Khloé Kardashian ka zbuluar se prej më shumë se katër vitesh nuk ka pasur marrëdhënie intime dhe se, për momentin, nuk ndien nevojën të rikthehet në botën e takimeve.

Ylli i reality show-t, nënë e dy fëmijëve, nuk ka pasur një lidhje serioze që nga përfundimi i marrëdhënies së saj të trazuar me Tristan Thompson, babain e fëmijëve të saj, në dhjetor të vitit 2021.

Gjatë episodit hapës të sezonit të ri të “The Kardashians”, Khloé foli hapur për këtë periudhë të jetës së saj, duke thënë se është krenare që i ka dhënë vetes kohë për t’u shëruar pas ndarjes.

“Katër vjet që nga dhjetori”

Në një skenë të xhiruar gjatë një udhëtimi në New York në shtator 2025, stilisti Chris Appleton pyeti fillimisht Kim Kardashian për jetën e saj romantike.

Më pas, vëmendja u zhvendos te Khloé, të cilën ai e pyeti se sa kohë kishte kaluar që nga marrëdhënia e saj e fundit intime.

“Katër vjet, që nga dhjetori”, u përgjigj ajo.

Më vonë, duke folur drejtpërdrejt për kamerat, Khloé tha se Appleton habitet çdo herë kur dëgjon se ajo vazhdon të mos jetë seksualisht aktive.

“Ai flet për këtë sikur të kem ndonjë sëmundje të tmerrshme”, tha ajo me humor.

Kim i sugjeron të “rikthejë” një ish

Kim Kardashian e këshilloi motrën që, nëse nuk dëshiron të njohë dikë të ri, mund të rikthehet te ndonjë ish-partner.