Kandidati i Lidhjes Demokratike të Kosovës në Prishtinë, Arban Abrashi, ia ka numëruar Shpend Ahmetit shkeljet, që sipas tij, i ka bërë i pari i kryeqytetit përgjatë qeverisjes katërvjeçare. Abrashi thotë se, duke u bazuar në raportin e auditorit, mandati i Shpendit është shënuar me plot parregullsi e shkelje.

Keqmenaxhimi i buxhetit, parregullësi në lejet ndërtimore, rekrutim i jashtëligjshëm i punëtorëve, dobësi në ekzekutim të kontratave, dobësi në menaxhimin e tatimit në pronë, janë vetëm disa nga të metat e qeverisjes së Shpend Ahmetit, që sipas Abrashit, kanë ndodhur në kryeqytet.

Të gjitha këto Abrashi thotë se dëshmohen në raportin e Zyrës së Auditimit.

Shkrimin e plotë të Arban Abrashit e gjeni më poshtë:

“KOMUNA E VV 2013-2017

Paaftësi në shpenzim buxheti, paaftësi në planfikim buxheti, paaftësi në realizim të të hyrave.

Nuk respektohet ligji, nuk dinë të menaxhojnë, nuk ka kontrata.

Staf i përkohshëm, i vonojnë pagat, nuk i llogarisin mirë pagat.

Nuk ka raporte, nuk ka efektivitet, nuk i paguajnë borxhet me kohë, nuk i mbledhin borxhet me kohë.

Prapë mosrespektim i procedurave të ndërtimit, prapë mosrespektim i procedurave të prokurimit.

Dobësi në procedurat për subvencione dhe mallëra, dobësi në ekzekutim të kontratave, dobësi në menaxhimin e tatimit në pronë.

Parregullësi te lejet ndërtimore, rekrutim i stafit kundërligjshëm, largim i punëtorëve nga puna kundërligjshëm.

Edhe 4 meShpendin? Shihni më poshtë se çfarë “edhe 4” tjera i premton ai. Nuk po e them unë, po e thotë Zyra Kombëtare e Auditimit.

Këtu po ju paraqesim me fakte vetëm ato pjesë të shkeljeve që janë evidentuar në raportet e auditimit dhe që kanë ndikuar direkt në rënien e buxhetit të Komunës dhe humbjet në realizimin e investimeve në Prishtinë:

1) Dobësi në planifikim dhe në realizim të buxhetit

2) Realizim i ulët i të hyrave

3) Përdorimi i fondeve ne kundërshtim me ligjin për ndarje buxhetore

4) Dobësi në menaxhimin e të hyrave

5) Dobësi në menaxhimin e shpenzimeve

6) Avancet e pa mbështetura me kontrata

7) Vonesa në përfundimin e projekteve

8) Angazhimi i parregullt me staf të përkohshëm

9) Pagesat e pa rregullta dhe te pa sakta për paga

10) Dosjet e pa kompletuara për personelin

11) Mungesa e raporteve mbi formën e shpenzimeve te mjeteve

12) Jo efektivitet ne mbledhjen e borxheve

13) Mos kryerja me kohë e obligimeve

14) Dobësi në procedurat dhe pagesat e subvencioneve dhe mallrave

15) Mos hartimi i projekteve zbatuese pa plan detal të ndërtimit

16) Mos respektim i procedurave të prokurimit

17) Dobësi në ekzekutimin e kontratave

18) Humbje e përkrahjes nga donatorët

19) Dështim në zbatimin e procedurave të pagesave

20) Angazhimi i personelit në kundërshtim me LMFPP

21) Rekrutimi i stafit ne kundërshtim me rregulloret dhe udhëzimeve administrative

22) Pa rregullsi në dhënien e lejeve ndërtimore

23) Largimi i punëtorëve nga puna pa bazë të arsyeshme ligjore

24) Dobësi në menaxhimin e tatimit ne pronë

25) Mungesë e mekanizmave për menaxhimin e garancioneve

26) Inkasim i të hyrave të paligjshme dhe dëmtim te investitorëve dhe qytetarëve

27) Hyrja në obligime financiare në kundërshtim me LMFPP dhe krijimi i kostove shtesë të interesave dhe gjobave

28) Ekzekutimi i shpenzimeve nga kodi i investimeve kapitale te cilat i përkasin kategorive mallra dhe shërbime

29) Zbatimi me vonese i vendimeve te KPMSHC

30) Pranimi i shërbimeve para nënshkrimit të kontratës

31) Gjenerimi i shpenzimeve shtesë të panevojshme

Humbjet në investimet kapitale në katër vitet e fundit janë si pasojë e keqmenaxhimit të buxhetit. Keqmenaxhimi financiar në Komunë të Prishtinës nuk është vlerësim politik por është fakt dhe është evidentuar edhe në raportet e auditimit të bëra vit pas viti nga Zyra Kombëtare e Auditimit.

Zyra Kombëtare e Auditimit e Republikës së Kosovës është institucioni më i lartë i kontrollit ekonomik e financiar, i cili me Kushtetutën dhe ligjet e vendit gëzon pavarësi funksionale, financiare dhe operative.

Raportet e auditimit tregojnë që Komuna e Prishtinës nën qeverisjen e Ahmetit ka pas defekte serioze.