Ahmeti priti deputetët belgë, i njofton me të “arriturat”

Prishtinë | 27 Pri 2017 | 13:13 | Nga

Kryetari i Komunës së Prishtinës, Shpend Ahmeti, priti sot në takim një delegacion të deputetëve nga pjesa frankofone e Belgjikës, ku u diskutua për projektet e realizuara në Komunën si dhe për problemet me të cilat ballafaqohemi si shtet.

Duke folur për Prishtinën, Ahmeti numëroi 11 zotimet e realizuara për 3 vite, nga 12 sa ishin gjithsej, duke filluar nga furnizimi me ujë, reforma në transport publik, dyfishimi i numrit të çerdheve, reforma në shëndetësi e arsim, trajtimi i barabartë dhe hapja e komunës ndaj qytetarëve. Gjithashtu, u diskutua për luftimin e korrupsionit dhe krimit të organizuar në Prishtinë, me theks të veçantë tek ndalja e kaosit urbanistik.

“Nga problemet kryesore të shtetit të Kosovës, Ahmeti veçoi qasjen e gabuar të Qeverisë sonë, sidomos në politikë të jashtme, si dhe nivelin e lartë të korrupsionit dhe papërgjegjësisë institucionale. Deputetët e pranishëm në këtë takim vlerësuan lart punën e Komunës së Prishtinës, dhe shprehën interesim për bashkëpunim të mëtutjeshëm, duke i ngritur temat problematike të shtetit tonë në institucionet ku veprojnë”, thuhet në komunikatë. 

Fjalë Kryesore:

Të ngjashme