Policia federale në Gjermani ka njoftuar se dje në mbrëmje ndodhi një aksident tragjik ku një tren goditi dy udhëtarë të cilët ishin duke kaluar shinat e trenit, shkruan wiesbadenaktuell.de
Sipas faqes Shoqata Humanitare Dardana në Wiesbaden, dy kosovarët e vdekur janë Admir Seta (40 vjeç), dhe Leutrim Hyseni (31 vjeç).
Kalimi i shinave hekurudhore në zonën midis Christof-Ruthof-Weg dhe Otto-Suhr-Ring në Mainz-Kastel përfundoi në mënyrë tragjike për 40-vjeçarin dhe 31-vjeçarin.
Sipas statusit aktual të hetimit policor, burrat janë munduar të kalojnë binarët derisa treni po afrohej rreth orës 18:05 të së premtes.