Aktorja Penélope Cruz shkëlqen në kopertinën e numrit të shtatorit të revistës spanjolle “Vogue”. Ajo e zbukuroi kopertinën e revistës për herë të fundit dy vjet më parë dhe është shfaqur në të gjithsej 16 herë.

Fotografia bardh e zi, e bërë nga dyshja Sean dhe Seng , e tregon aktoren në një plan të afërt, të veshur me një fustan të zbukuruar me rruaza, xixa dhe kristale nga koleksioni Vjeshtë 2026 i Chanel-it.

Fustani është disenjuar nga Matthieu Blazy. Flokët e saj ishin të stiluara paksa kaçurrela dhe voluminoze, ndërsa sytë e saj ishin theksuar me laps për sytë. Aktorja e kompletoi pamjen elegante me unaza diamanti.

Disa ishin të kënaqur me pamjen rinore të aktores, ndërsa të tjerë menduan se fotoja ishte tepër e modifikuar.