Nënkryetari i Aleancës për Ardhmërinë e Kosovës (AAK), Ali Berisha ka thënë se Aleanca mbetet e përkushtuar për të kontribuar në stabilitetin institucional dhe unitetin politik.

Berisha ka thënë se janë duke i përcjellur me vëmendje të gjitha zhvillimet në vend.

“Aleanca për Ardhmërinë e Kosovës, me vëmendje po përcjellë të gjitha zhvillimet në vend. AAK mbetet e përkushtuar për të kontribuar në stabilitetin institucional dhe unitetin e spektrit politik gjithëpërfshirës. AAK respekton në punë, si partnerët e koalicionit ashtu edhe të opozitës. Krahas kësaj AAK është e gatshme për çdo variant në të mirë të funksionimit të institucioneve, përfshirë edhe zgjedhjet”, ka shkruar Berisha në llogarinë e tij në Facebook.

Sipas tij, AAK bënë politikë nën principin e edukatës institucionale.

“AAK, politikën shtetërore e bënë hapur nën principin e edukatës institucionale”, është shprehur Berisha.
https://www.facebook.com/100008167770536/posts/2819697174979181/?d=n