Banorët e fshatit ‘Prilep” të Deçanit po ankohen për mungesën e ujit dhe mbetjen e tokave djerrë në këtë rajon.

Ata kanë theksuar se që nga viti 1997 nuk ka patur ujë me rënie të lirë pavarësisht se e kanë adresu problemin.

“Na merremi me bujqësi me blegtori me bletari, kusht elementar për zhvillimin e bujqësisë dhe agrokulturave është uji. Prej vitit 1997 nuk ka patur ujë me rënie të lire, jo vetëm në fshatin Prilep por në krejt Deçanin mungon. Kryetari i tanishëm Bashkim Ramosaj ka kry punë por duhet me kry edhe ma shumë. Edhe Qeveria duhet me i mbështet në aspektin financiar. Në kuadër të Prilepit kemi mbi 1 mijë hektar tokë, që nga viti 1997 nuk ka pasur ujë me rënie të lirë”, tha një inxhinier i atij fshati.