Artisti Sokol Plakolli, ka mbajtur konferencë për medie lidhur me pretendimet për shkelje ligjore të Këshillit Drejtues të Teatrit Kombëtar, raporton Ekonomia Online.

Ai tha se që pesë vjet nuk iu është lejuar qasja në dokumente zyrtare, pra në vendimet e Këshillit.

Sipas tij, me vendim arbitrar Teatrit Kombëtar është larguar nga konventa evropiane e teatrit

Ai mandej ka shtuar se Këshilli përbëhet nga 4 anëtar, e jo nga 7 sa duhet të jenë me ligj. Madje sipas tij, që nga viti 2019 tetari është pa udhëheqës artistik.

Plakolli shtoi se për shkak të qasjes së tij i është ndaluar hyrja në teatër për 5 vjet radhazi.

“Me të vërtetë është për keqardhje sa pak respektohet Ligji për qasje në dokumente zyrtare, i cili ma mundëson qasjen, jam qe 5 vjet grevë 28 ditë së fundi. Ne kërkojmë skanimin e dokumentacionit. Kërkesa ka qenë nga viti 2016 me grevë, por nuk është mundësuar tek tash është mundësuar nga ministri shkeljet janë nga më të ndryshmet”.

“Një ndër shkeljet të këshillave drejtuese është nxjerrja e Teatrit Kombëtar nga konventa evropiane e teatrit. Këtë akt e ka realizuar dikush në mënyrë arbitrare. Pastaj është pasur me nxjerrjen e shfaqjeve nga teatri. Për shkak të qasjes sime që të kem qasje në dokumente më është ndaluar hyrja në teatër për 5 vjet radhazi”.

“Ajo që është tejet e rëndësishme është që të gjitha dokumentet e këshillit janë publikuar dhe skanuar. Ka edhe vendime që janë jashtë normës, regjisorët serb-maqedonas paguhen deri 12 mijë euro ndërsa për dramën e Ismail Kadare jepen 6 mijë euro. Një kontratë normale është 4 mijë euro. Kërkojë të hetohen nga organet përkatëse dhe do të kërkojmë qasje edhe në dokumentacione tjera”.

“Çka është shumë e rëndësishme këshilli është nga 4 anëtar jo 7 sa duhet të jenë me ligj. Nga viti 2019 tetari është pa udhëheqës artistik që është shkelje e ligjit sepse kanë kaluar 4 muaj që është me ushtrues detyre”.