Asistenti i Kurtit zbulon një “preokupim” të madh: Po na hyjnë qentë endacakë nga Serbia

Prishtinë | 07 Nën 2022 | 19:26 | Nga Ekonomia Online

Asistenti i kryeministrit Albin Kurtit, Arianit Beqiri i ftuar në një emision televiziv ka folur për problemin me qentë endacakë. Ai dha një deklaratë të çuditshme duke gjetur si problem hyrjen e qenve endacakë nga Serbia.

Beqiri ishte i ftuar në cilësinë e asamblistit të LVV-së. Ai tha se Komuna e Prishtinës nuk ka interes të merret më këtë çështje.

“Komuna nuk ka asnjë interes të merret më këtë çështje. Nuk është bërë asnjë ndryshim. Qentë endacak nuk kanë ardhur sot në Kosovë. Nuk ka pasur interes nga Qeveritë e kaluara për ta trajtuar këtë problem”, tha ai.

Asamblisti i VV-së si problem e sheh hyrjen e qenve endacak nga shtet fqinjë e sidomos nga Serbia.

“Është e qartë që kemi qenë që hyjnë edhe nga shtet fiqnjë sidomos nga Serbia. Por, na nuk kemi një mekanizëm kush cilët pronar, çfarë qensh kultivojnë. Pos kësaj është edhe edukimi të cilët nuk e kan disa pronar”, Beqiri në TABU të KTV-së.

Të ngjashme