Gjiganti katalunas synon ta marrë gjatë verës sulmuesin uruguaian, kur edhe do të jetë lojtar i lirë.

Barcelona është e vendosur për ta transferuar Edinson Cavanin.

Sulmuesi uruguaian gjatë verës që vjen do të jetë i lirë pasi do t’i skadojë kontrata me Manchester United.

Dhe, “Blaugrana” duan të përfitojnë nga ky rast, për ta marrë lojtarin pa para.

Për këtë siguron mediumi “Fichajes”, përcjell “Gazeta Express”.

Barça i mori në janar tre sulmues, Adama Traoren, Pierre-Emerick Aubameyangun dhe Ferran Torresin.

Por, përkundër këtij fakti, gjiganti katalunas në verë synon të përforcohet prapë në fazën ofanzive.

Cavani ndërkohë ka oferta edhe nga Amerika e Jugut dhe nga Shtetet e Bashkuara të Amerikës.

Por, dëshirë e ish-futbollistit të Palermos, Napolit dhe PSG-së duket se është vazhdimi i eksperiencës në Evropë.