Kryedemokrati Lulzim Basha është shprehur se protestat do të vazhdojnë në të gjithë vendin. Në mbyllje të protestës së sotme, në selinë e PD ai ka nisur të këndojë himnin kombëtar së bashku me protestuesit.

“Shqipëria do jetë e njerëzve të ndershëm të këtij vendi që duan ti japin fund padrejtësië. Duan t’i japin fund pandëshkueshmërisë. Duan t’i japin fund parlamentit të krimit.

Së bashku me vullnetin tuaj, me zgjedhje europiane do kemi një qeveri të popullit, për popullin dhe nga populli.
Shqipëria do ketë një të ardhme, ky është mesazhi i gjithë popullit. Bëhuni gati anembanë vendit. Zoti e bekoftë Shqipërinë fitore”, tha Basha.