Sulmuesi kosovar, Besart Berisha, ka paralajmëruar largimin nga Australia, pak pasi u bë kampion me Melbourne Victoryn.

Pasi fitoi titullin e katërt të kampionit, 32-vjeçari u pyet nga gazetarët nëse do të qëndrojë te Melbournie edhe për një vit. Ai u ktheu një përgjigje interesante.

“Po ju pyes unë tash juve një pyetje. Çfarë tjetër ka mbetur për mua që të fitoj në A-League?”, kishte thënë ai.

Berisha, që ka edhe një vit në kontratë, me këtë deklaratë ka nxitur mediat australiane të shkruajnë për një largim të mundshëm të tij.

Për të besohet se ka oferta të majme nga Lindja e Mesme dhe Kina. Ai është në Australi që nga viti 2011.