Kryetari i Komunës së Ferizajt, Agim Aliu ka prezantuar një zonë fantastike të komunës që ai drejton.

Aliu duke promovuar përmes fotografive pamje të natyrës së Burrnikut ka treguar edhe se janë asfaltuar disa kilometra rrugë.

“Pamjet e jashtëzakonshme të natyrës së Burrnikut me asfaltimin e rrugës mbi 1,5 kilometër që përfunduam këto ditë, do t’i jap qasje më të lehtë banorëve, gjithë pasionantëve të natyrës si dhe biznesit, duke e vendosur në binarë zhvillimi këtë fshat”, ka shkruar Aliu.