Ministri i Arsimit, Shkencës dhe Teknologjisë Shyqiri Bytyqi iu është përgjigjur pyetjeve parlamentare nga deputetët e Kuvendit të Kosovës.

Rreth materialeve shkollore në qendrat korrektuese të Kosovës, Bytyqi tha se Ministria e Arsimit ka kryer obligimet që ka pasur me ndarjen e librave, sipas tij, janë marrë të gjitha masat, raporton Ekonomia Online.

“MAShT e kemi kryer obligimet tona, ka pas probleme në fillim në qendrën korrektuese në Lipjan ndaj të miturve ka pas probleme rreth materialit shkollor dhe mësimdhënësit por pas kësaj kemi marr masa dhe në dhjetor 2017 kemi miratuar udhëzimin administrativ për qendrën korrektuese në Lipjan dhe qendra tjera ku e rregullon edukimin e fëmijëve në qendra korrektuese”, tha Bytyqi.

Bytyqi shtoi se nga momenti kur është miratuar udhëzimi administrativ ne nuk kemi marr më asnjë vërejtje nga qendrat korrektuese.

Ministri i Arsimit foli edhe për braktisjen e shkollës nga ana e fëmijëve.

“Në shkolla jemi duke i informuar me kohë dhe me i vetëdijesuar nxënësit se cilat janë rreziqet lënia e hershme e fëmijëve”, tha Bytyqi.