Ish-kryeshefi i AKI-së, Burim Ramadani ka thënë se pushteti për tre muaj konfrontim me KFOR-it, tani “çele guri gojën”, ndërsa shton se edhe atëherë kanë bërë gabim njerëzit e pushtetit, por edhe tani që nuk po përmendet fare.

Në një postim në Facebook, ai ka thënë se nga “rrahagjoksja” tani në “strukje”.

“Argumentimi për hapjen e Urës nuk është çështje sezonale”, ka shkruar mes tjerash Ramadani.

Postimi:

Qasja për hapjen e Urës: nga gabimi në gabim!

Muajt e verës na rikthyen në vëmendje çka përmbajtjesisht nënkupton qasje e gabuar dhe jostrategjike edhe kur qëllimi është i drejtë!
Ndërsa, gjysma e shtatorit po shkon me strukje.

Paraprakisht, gati tre muaj konfrontim e diarre verbale kundër NATO-s e KFOR-it, sikurse edhe kundër gjithsecilit që kërkonte bashkëpunim me aleatët.

Tash: çele guri gojën!

Nga Rrahagjoksja në Strukje!

Gabim!

Gabim atëherë dhe gabim tash!
Ura DUHET të hapet plotësisht!

Argumentimi për hapjen e Urës nuk është çështje sezonale.
Mos u dorëzoni! Bashkëpunoni!