Kompania Cooler Master i ka prezantuar variantet TR4 Edition të linjës së saj të ftohësve për CPU MasterLiquid ML RGB all-in-one me ftohje të lëngshme. Modelet e reja përbëhen nga ML240 RGB TR4 Edition dhe ML360 RGB TR4 Edition. Siç sugjerojnë edhe emërtimet, këta ftohës e mbështesin socketin AMD SP3r2 ose TR4, dhe janë të dizajnuar për procesorët Ryzen Threadripper, përcjell TechPowerUp.

ML240 RGB TR4 Edition, me radiatorin e vet prej 240mm x 120mm rekomandohet për modelet me TDP 180W, ndërsa ftohësi më i madh (me radiator 360mm x 120mm) rekomandohet për modelet e procesorëve prej 250W TDP, duke përfshirë edhe Threadripper 2990WX 32-bërthamësh. Të dy ftohësit e kanë një dizajn me bllok pompë me një bazë të rritur drejtkëndore bakri për ta mbuluar më mirë modulin Threadripper IHS dhe modulin për bazën TR4, shkruan KOHA Ditore.

Image
Logoja e kompanisë në bllok pompë, si dhe ventilatorët e përfshirë në paketim, vijnë me ndriçim RGB LED. Të dy ftohësit do të dalin në shitje më 14 mars, ndërsa Cooler Master nuk i ka bërë të ditura çmimet.