Pas historisë tronditëse të vajzës së abuzuar seksualisht nga daja e saj, një tjetër vajzë ka rënë viktimë e abuzimit brenda familjes.
Një 37-vjeçar është arrestuar paraditen e sotme nga autoritetet pasi ngacmonte seksualisht të bijën 18-vjeçare.
Babai abuzues është denoncuar nga vetë e bija, e cila nuk ka ngurruar të japë edhe dëshminë e saj gjatë marrjes në pyetje.
18-vjeçarja është shprehur se i ati i saj prej shumë kohësh dhunonte bashkëshorten, ndërsa të bijës i ka kërkuar të kryenin marrëdhënie.
“Prej kohësh prindërit nuk shkonin me njëri-tjetrin. Grindeshin shpesh dhe babai ushtronte dhune ndaj mamit. Ne jetojmë në Korçë me gjyshen. Ai pinte gjithmonë dhe ishte i dhunshëm. Disa herë më kërkonte të kryenim marrëdhënie. Kur isha më e vogël dhe nuk i kuptoja disa gjëra. Vendosa ta denoncoj sepse me ka nxirë jetën. E regjistrova me telefon dhe dëgjohet qartë çfarë kërkon. Ai është monstër!”-është shprehur vajza.
Sipas Abc News, 37-vjeçari është njohur gjithnjë si njeri problematik dhe përdorues i lëndëve narkotike.
ABC News, të njëjtat burime thonë se babai i saj është person problematik, përdorues i lëndëve narkotike dhe madje ka qenë i arrestuar për ushtrim dhune ndaj punonjësve të policisë.