Dorëzohet në Polici njëri nga të kërkuarit e aksionit policor në Karaçevë

Prishtinë | 22 Sht 2020 | 17:57 | Nga Ekonomia Online

Në Policinë e Kosovës është dorëzuar edhe një person i dyshuar pas aksionit policor në fshatin Karaçevë të Kamenicës.

Prokuroria Themelore në Gjilan përmes një komunikate për media ka njoftuar se i dyshuari L.S. është ndaluar në kohëzgjatje prej 48-orësh, për shkak të dyshimit se ka kryer veprën penale ‘’Kontrabandimi i mallrave’’ dhe ndaj të njëjtit, brenda afatit ligjor do të paraqitet kërkesa për caktimin e masës së paraburgimit, në afat prej 30 ditësh.

“Deri më tani ka shkuar në 31 numri i personave të ndaluar si rezultat i këtij operacioni. Prokuroria Themelore në Gjilan, Inspektorati Policor i Kosovës, Policia e Kosovës dhe agjencitë e tjera të zbatimit të ligjit do të vazhdojnë të ndërmarrin veprime hetimore lidhur me këtë rast”, thuhet në komunikatën e tyre.

Fjalë Kryesore:

Të ngjashme