Kandidati i PDK-së për deputet, Elmi Reçica ka ndarë përshtypjet nga tubimi zgjedhor me banorët e Gremes, Gaçkës, Doganajt, Zaskokut dhe Pleshinës, duke theksuar mbështetjen dhe vullnetin qytetar për ndryshim dhe zhvillim.

“Nga tubimi zgjedhor me banorët e Gremes, Gaçkës, Doganajt, Zaskokut dhe Pleshinës, u dëshmua vullneti i përbashkët për zhvillim, dinjitet dhe mundësi për secilin qytetar”, ka shkruar Reçica.

Ai ka bërë thirrje për mobilizim në zgjedhjet e 28 dhjetorit, duke theksuar rëndësinë e mbështetjes qytetare për realizimin e vizionit të tij politik.

“Më 28 dhjetor, me mbështetjen tuaj, bashkë e çojmë vendin përpara me Bedri Hamzën kryeministër dhe me vizion të qartë e vendime të drejta”, ka deklaruar kandidati.