Eva Murati “braktis” sportin, ja ku do ta shohim

Prishtinë | 21 Jan 2023 | 11:05 | Nga Ekonomia Online

Prej shumë vitesh jemi mësuar ta shikojmë në formate sportive, ku është shndërruar edhe në një ndër moderatorët më të dashura të sportit.

Por duket se karriera e Eva Muratit po merr një kthesë tjetër. Moderatorja do të ‘braktisë’ për pak sportin për t’u bërë pjesë e spektaklit.

“Gjeniu i Madh” është formati që do ta sjellë si moderatore, këtë herë në kërkim të talenteve në muzikë. 20 konkurrentë të moshës mbi 35 vjeç që gëzojnë talentin e të kënduarit, 20 personazhe që gjatë jetës së tyre nuk e kanë pasur shansin për të performuar në një skenë para një publiku të gjerë.

Ndërkohë që Evën e kemi parë edhe shpesh si aktore, mjafton të përmendim këtu filmin që aktualisht po shfaqet në kinema, “Policë për kokë”, ku është në kastë edhe prezantuesja.

Duket se tashmë karriera e saj është profilizuar në spektakël edhe aktrim, megjithatë vetë Eva nuk ka deklaruar që ka hequr dorë nga sporti, duke vijuar kështu edhe këtë angazhim.

Fjalë Kryesore:

Të ngjashme