Anëtari i kryesisë së LDK-së, Bajram Gecaj, ka pa propozuar disa ndryshime në Ligjin Zgjedhor nëse Gjykata Kushtetuese vendos kundër kërkesës së ish-kandidatit të LDK-së për kryetar të Prishtinës, Arban Abrashi, për parregullësitë dhe përsëritjen e zgjedhjeve në kryeqytet.

Sipas tij, këto ndryshime do të lehtësonin punën e gjyqtarëve dhe do t’i lironin nga presioni i shkeljes së ligjit e normave morale.

Postimi i plotë i Gecajt:

Nëse Gjykata Kushtetuese vendosë kundër kërkesës së Arban Abrashi, atëherë Kuvendi i Kosovës duhet të aprovoi disa ndryshime substanciale në Ligin Zgjedhor. Këto ndryshime do të lehtësonin punën e gjyqtarëve dhe do ti lironin nga presioni i shkeljes së ligjit e normave morale!

Ndryshimet e propozuara duhet të jenë:

– Lejimi i transportit dhe ndikimit te votueseve nga OJQ-të fantome;

– Lejimi i votimit të votueseve nga komunat e tjera;

– Ndikimin e votueseve përmes sms-ëve;

– Dëmtimin e procesverbaleve të kutive sipas nevojës;

– Asgjësimin e fletëvotimeve menjëherë pas zgjedhjeve,

– Largimin e heshtjes zgjedhore;

– … e shumë shkelje tjera të tilla të cilat janë provuar në ankesën e Arban Abrashit;