Kolegji i Gjykatës Supreme ka aprovuar padinë e B.P. kundër Universitetit të Prishtinës “Hasan Prishtina”, duke shpallur të paligjshme dhe shfuqizuar nenet 153 paragraf 3 dhe 4 të Statutit dhe nenin 7 paragraf 6 të Rregullores nr. 2/254.

Gjykata ka konstatuar se këto dispozita vendosnin ndalesa absolute për kandidatët me familjarë të punësuar në njësinë akademike, duke shkelur parimet e barazisë, meritokracisë dhe ndalimin e diskriminimit.

Vendimi thekson se ekzistenca e një lidhjeje familjare nuk nënkupton automatikisht nepotizëm dhe se masat e Universitetit ishin të tejskaluara dhe jo proporcionale.