Organizata Botërore e Shëndetit (OBSh) ka deklaruar se shihet një shtim i rasteve të të rinjve që vdesin nga koronavirusi. Sakaq, Drejtori Ekzekutiv i programit të urgjencave të OBSH-së, Mike Ryan, vuri në dukje se në Itali se 10 deri 15 % e të gjithë personave në kujdes intensiv janë nën 50 vjeç dhe përsa i përket Koresë, 1 në 6 vdekje ka qenë një person nën moshën 60 vjeç.

Sipas zyrtarve të shëndetit publik, të moshuarit dhe ata me sëmundje bashkëshoqëruese janë më të rrezikuarit për të përjetuar sëmundje të rënda.

“Ne po shohim gjithnjë e më shumë individë të rinj që janë duke përjetuar sëmundje të rëndë. Ne kemi parë disa të dhëna nga një numër vendesh në Evropë, ku njerëz të moshës më të re kanë vdekur. Disa prej këtyre individëve kanë pasur kushte themelore, por disa jo”, tha Maria Van Kerkhove, kreu i njësisë së sëmundjeve në zhvillim të OBSH-së, në një konferencë lajmesh në internet.

“Kishte një tendencë për disa muajt e fundit, pothuajse një qëndrim zhgënjyes për të thënë. Epo, kjo sëmundje është e rëndë te njerëzit e moshuar dhe është mirë tek të rinjtë. Ne kolektivisht kemi jetuar në një botë ku ne jemi përpjekur të bindim veten se kjo sëmundje është e butë tek të rinjtë dhe më e rëndë te njerëzit e moshuar dhe se ku është problemi”, u shpreh Mike Ryan.