Futbollisti shqiptar, Granit Xhaka, sot i ka mbushur 27 vjet dhe natyrisht se urimet më të veçanta i ka marrë nga bashkëshortja e tij, Leonita.

Çifti i famshëm është në pritje të fëmijës së parë, andaj në imazhet e shpërndara nga gruaja e yllit të Arsenalit, nuk kanë munguar edhe pozat e përbashkëta gjatë shtatzënisë.

“Urime ditëlindjen gjithçka e imja, të duam që të dy”, është mbishkrimi i njërës prej fotografive.

Në ndërkohë, në profilin e Leonitës në InstaStory, ajo ka publikuar fotografi të shumta me partnerin e saj, duke e uruar dhe duke ia shprehur dashurinë.

Graniti dhe Leonita pritet të bëhen prindër gjatë muajit tetor, ndërsa futbollisti ka paralajmëruar se do të marrë pushim nga futbolli për t’i qëndruar pranë gruas së tij.