Në stacionin e autobusëve në Komunën e Gjilanit sot nuk është realizuar asnjë linjë.

Siç merr vesh KOHA, në shenjë pakënaqësie ndaj pagesës së re të peronizimit, kompanitë e autobusëve të kësaj komune janë futur në grevë, me ç’rast udhëtarë të shumtë po presin për shërbimet e tyre.

Udhëtarët e këtyre linjave kanë thënë se nuk kanë marrë ndonjë njoftim paraprak për këtë grevë. As në faqet zyrtare të kompanive të ndryshme të linjave Kamenicë – Gjilan – Prishtinë, nuk figuron ndonjë njoftim paraprak për këtë grevë.