Grupi i demokratëve, që doli kundër Lulzim Bashës pas rezultatit katastrofik që pësoi në zgjedhjet e 25 qershorit dhe rikandidimit të tij për kryetar të Partisë Demokratike në një garë farsë, pritet të mblidhet nesër në qytetin e Durrësit.

Demokratët anti-Basha, të cilët kërkuan standard në zgjedhje, respektimin e statutit, si dhe analizë në parti e pastaj zgjedhjen e kryetarit të ri, do të takohen në teatrin “Aleksandër Moisiu”, në orën 19:00.

Ky takim u njoftua dhe nga ish-deputeti i PD, Astrit Patozi, gjatë intervistave të tij televizive në ABC News dhe Report Tv. Mësohet se do të jetë në takim Patozi, por jo i vetëm. Në panel ai do të shoqërohet nga personalitete të rëndësishme dhe aktivë në jetën politike të PD.

Patozi, i cili u përjashtua nga gara për kryetar të PD, pritet të diskutojë me simpatizantë dhe anëtarë të Partisë Demokratike mënyrat se si mund të dilet nga kjo gjendje ku është zhytur PD