Për të tjerët mund të jetë periudhë festash e pushimi, por hendbollistët kosovarë janë në vlugun e përgatitjeve për paraqitje në kualifikimet për kampionat botëror.

Të shtunën (sot) vazhdojnë stërvitjet nën urdhrat e selektorit Taip Ramadani, transmeton Klan Kosova.

“Të premten jemi mbledhur një grup lojtarësh i Kombëtares. Pas vitit të ri na bashkohen të tjerët dhe do të jemi gati për ndeshjet në Itali. Synimet gjithnjë janë të japim maksimumin dhe shpresojmë në kualifikimin e mëtejmë”, ka thënë Deniz Terziqi.