Mbrëmjen e kaluar një i burgosur në Burgun e Dubravës i ka vënë flakën dhomës së tij.

Lajmi për këtë incident është konfirmuar për KALLXO.com nga drejtori i Shërbimit Korrektues të Kosovës, Sokol Zogaj.

“Po mbrëmë ka ndodhur një zjarr në burgun e Dubravës. Problemi është shkaktuar nga një i burgosur me probleme shëndetësore mentale. Nuk ka pasur ndonjë rrezik”, tha Zogaj.

Nuk dihen motivet që mund ta kenë shtyrë të burgosurin për ta bërë këtë akt.