Kryeministri britanik, Boris Johnson, ka thënë se koha e përhapjes së pandemisë Covid-19 ka sjellur vështirësi për Britaninë e Madhe.

Sidoqoftë, ai ka thënë se nëse qytetarët i respektojnë rekomandimet e dhëna nga institucionet përkatëse, ky virus mund të mposhtet.

“Kjo ka qenë një kohë e vështirë për vendin tonë, por nëse të gjithë vazhdojmë të ndjekim rregullat, atëherë mund ta mposhtim këtë virus së bashku”.

Kujtojmë se Johnson ka qenë duke qëndruar nën kujdesin intensiv si pasojë e infektimit me Covid-19. Ai është kthyer në zyrën e tij të hënën (27 prill, 2020) pas rikuperimit. Ai ka falënderuar mjekët në spitalin St Thomas duke thënë se ia kanë shpëtuar jetën.