Kina është duke shënuar Vitin e Ri Hënor, një nga datat më të rëndësishme në kalendarin e saj përkundër ngritjes së shqetësimeve nga koronavirusi.

Ndërsa miliona njerëz po kthehen në shtëpi për pushime, kufizimet e udhëtimit janë vënë në 13 qytete ku jetojnë më shumë se 36 milionë njerëz – në provincën Hubei, qendra ku edhe shpërtheu sëmundjen, njofton Klan Kosova.

Aktualisht janë 830 raste të konfirmuara në Kinë, 26 prej të cilëve kanë vdekur.

Wuhan, ku filloi shpërthimi, po ndërton me shpejtësi një spital të ri, shkruan BBC.

Qyteti që ka 11 milionë njerëz është duke luftuar për të përballuar numrin në rritje të pacientëve.